البوست التعريفي بمادة الباطنة الغدية

يسعد مساكن وكل عام وأنتو بألف خير وهمة وإصرار.
رح نتابع معكن سلسة التعريف عن المواد ووصلنا للباطنة الأخيرة لهالفصل وهي
****الباطنة الغدية ****
إحدى أمتع مواد السنة الخامسة ...ااأصدي الرابعة 😜
وبتتجلى أهميتها بالدور الكبير (للغدد الصماء) بتنظيم عمل كل أجهزة الجسم...لهيك من الضروري لكل طبيب بكافة الاختصاصات أنو يكون عندو معلومات كافية عن هالغدد وآلية عملها وهرموناتها.
☆☆☆☆☆☆
للمادة حوالي 24 محاضرة حسب الأرشيف و رح تنعطى على مدار 3ساعات اسبوعيا" و تقسم لقسمين:
1- قسم بتناول أمراض الغدد (النخامية -الدرقية- جارات الدرق- قشر ولب الكظر - آفات الأقناد) ويلحق بهذا القسم طب الشيخوخة.
بيتناوب على إعطاء هذا القسم حسب السنوات السابقة الدكتور يونس قبلان والدكتورة زينب العرفي.
عدد المحاضرات : 17 -وعدد الأسئلة : 70
2- قسم بتحدث عن التغذية (سكاكر - بروتينات -شحميات- أنماط التغذية ) بيعطيه فقط الدكتور يونس قبلان.
عدد المحاضرات : 7 - وعدد الأسئلة: 30
☆☆☆☆☆☆
بالنسبة للحضور ينصح به بشدة ..نظرا" لأسلوب الدكتور وطريقته الرائعة بعرض الأفكار وتنسيقها.
بالإضافة لأسلوب الدكتورة بعرض حالات سريرية مهمة عمليا" وبتجيب منهن بالامتحان 😜
☆☆☆☆☆☆
أما مصدر الدراسة :
جرت العادة انو الغدية تكون من الكتاب بس الدكتورين بطالبو بالسلايدات مع الشرح والحالات السريرية يلي بتنعرض بالمدرج ومحاضراتنا رح تشمل كل هاد بأذن الله ..
أما بالنسبة للتغذية الدكتور بطالب بنوطة خاصة بتحتوي شرح وتفاصيل المواضيع يلي بتناولها .
☆☆☆☆☆
بالنسبة للدراسة والمتابعة خلال الفصل :
ينصح بدراسة قسم الدكتور يونس خلال العام نظرا" لطبيعة اسئلته الحفظية ..وإذا لحقتو 😜 مرو على قسم الدكتورة زينب ..مرور فهمي.
☆☆☆☆☆
منرجع منكرر المادة حلوة وممتعة ..ودكاترتها ممتازين (اذا ضلو نفسن) ...شوية متابعة خلال الفصل وكثير من الدراسة آخر الفصل بتكون أموركن تمام.
☆☆☆☆☆
بالنهاية مافي شي بيجي بالسهل وكل ماكانت العقبات يلي واجهتنا صعبة كل ماكان لنجاحنا طعم أحلى.. وبهمتنا وهمتكن رح نصنع أحلى طريق ونتجاوز كل العقبات ونوصل لأجمل نهاية بأذن الله 😊
منتمنالكن التوفيق وأعلى العلامات
مع تحيات فريق الباطنة الغدية:

 ربوع الراس - روان عريشة - عليا حرب - أسامة رحال - زياد هارون 

#Dream- team-4th