البوست التعريفي بمادة الجراحة العامة

مسا الخير :D
⏫متابعين معكون مع سلسلة البوستات التعريفية ووصلنا اليوم لأمتع مواد هالفصل :P وبالذات ليلي بدهن يختصو جراحة (جراحين المستقبل) .. الجراحة العامة *_*
- بعد ما تعرفنا بالجراحة الصغرى عشوية إجراءات جراحية بسيطة رح نتناول بمادة الجراحة العامة بشكل أساسي آفات البطن الجراحية (الها علاقة كبيرة مع الباطنة الهضمية لهيك بينصج بدراستن سوا)، الأمراض الجراحية بالخاصة و أسأسيات بالجراحة
- المادة سابقاً كانت تنعطى على مدار 4 محاضرات بالأسبوع وكان المجموع الكلي 45 محاضرة تقريباً لتسع دكاترة أما هالسنة فتقلص عدد الساعات لـ3 ساعات فقط مما يعني أحد احتمالين: إما تكثيف الإعطاء بالساعة الوحدة لتصير المحاضرات مدوبلة :P أو حذف بعض الأقسام والمواضيع :D
كل سنة بيصير في تعديل بالكادر التدريسي للمادة بس رح نحكي عن الأساتذة يلي عطو المادة سنة الماضية:
أولاً: أ.د. أحمد أبو القاسم: عطا أورام الثدي، أورام المستقيم وعلاجها، مبادئ زرع الأعضاء وزرع الكبد، أسلوب الدكتور سردي بيعتمد على قراء السلايادات وقسمو بيحتاج للحفظ نسبياً يعني أسئلتو حفظية.
ثانياً: أ.د. حمود حامد: الفتوق الحجابية، آفات المريء الجراحية، آفات المعدة الجراحية وتنشؤاتها، تشريح وفيزيولوجيا القناة الشرجية، البواسير، أمراض وأورام الشرج، الانسدال المستقيمي. أسلوب الدكتور جميل وبيعتمد على عرض فيديوهات وصور لعمليات جراحية. أسئلتو بتعتمد عالأفكار الرئيسية والخطوط العريضة مع تركيز عالقصص السريرية (الشوكولا مفيدة :P)
ثالثاً: أ.د. حمود نصر: بيعطي 3 مواضيع (الاستقصاءات الجراحية، آفات البنكرياس الجراحية، فتوق جدار البطن) أسلوب الدكتور قراءة سلايدات، أسئلة الدكتور سهلة نسبياً وما بتخرج عن المحاضرات بس السنة الماضية فاجأ الطلاب وطلع عن المحتوى :/
رابعاً: أ.د. محمد الأحمد: رضوض الكبد الجراحية، خراجات الكبد، كيسات الكبد، أورام الكبد. أسلوب الدكتور حلو وأسئلتو سهلة نسبياً بس حفظية.
خامساً: أ.د عبد الغني الشلبي (أمتع الأقسام وأكثرها فائدة بالحضور *_* بيناقش الدكتور الطلاب وبيعرض صور وفيديوهات من عمليات جراحية) بيتناول الجراحة التنظيرية، البطن الحاد، الزائدة الدودية ورتج ميكل، أمراض الأمعاء الدقيقة الجراحية، أمراض الطحال الجراحية، انسداد الأمعاء.
أسئلة الدكتور متوسطة الصعوبة والدورات مفيدة لمعرفة الأفكار يلي بيركزها الدكتور وهي الخطوط العريضة نفسها يلي بلمحلها بالمحاضرات (لهيك الحضور مفيد جداً).
سادساً: أ.د. رضوان الأحمد: آفات القولون الجراحية، أورام النسج الرخوة والمساريقا وأورام خلف البريتوان، العناية بالمريض الجراحي، الأسلوب قراءة سلايدات والأسئلة حفظية (الدورات مفيدة لمعرفة الأفكار يلي ببيكررها الدكتور).
سابعاً: أ.د محسن بلال: آفات المرارة والكبد والطرق الصفراوية وأورامها. الأسلوب سردي والأسئلة صعبة وممكن تخرج عن المحاضرات.
ثامناً: أ.د. سامر سارة: قسمو بيتناول: تغذية المريض الجراحي، النزف الهضمي الحاد، اللمفوما، توازن الشوارد والسوائل، توازن حمض-أساس. أسلوب الدكتور ممتع و الأسئلة سهلة نسبياً,
تاسعاً: أ.د.. عبد الرحمن حمادية: أعطى تدبير رضوض البطن، جراحة البدانة، تناذر الحجرات والهرس، الإنتانات الجراحية.الحضور مفيد وممتع لما يعرضه الدكتور من أفكار وقصص سريرية مهمة يأتي منها في الامتحان بأسئلة مشابهة.
----------------------------------------------------------
⏫المادة تعد أضخم المواد عالخطة الجديدة لهيك متابعتها ضرورية خلال الفصل ولازم يندرس منها أقسام منيح كرمال تتلحق بوقت الفحص ومنكرر على ضرورة ترابط معلومات الجراحة العامة مع الباطنة الهضمية لوجود تقاطع كبير بالأفكار.
---------------------------------------------------------
⏫ رح نكون معكن على مدار الفصل جاهزين للرد على استفساراتكن ومقترحاتكن بأي شي بيتعلق بالمادة والمحاضرات رح تتوفر أول بأول مع المفاجآت الي عودكن عليها فريق الدريم بكل فصل :D
وهلق صار الوقت تتعرفو على فريق الجراحة العامة يلي رح يرافقكن 😍😍:

تمام البيطار 💜

جورج بشور ❤

سارة حسين 💚

عيسى رزوق 💗

لين الخوري 💓

ماريو ديفيد 💖

#General_Surgery_Dream_Team_4th
ولا تنسو الهاشتاغ #Dream_Team_4th لباقي البوستات التعريفية